Әлмәттә давыл нинди зыян салган? Видео

Ашыгыч хезмәтләр көн дәвамында давыл салган зыянны бетерү белән шөгыльләнде. Әлмәттәге медицина көллияте түбәсез кала, ә Казан, Бөгелмә, Минзәлә, Аксубай, Нурлат районнарында җил агачларны аударган.

Синоптиклар аның тизлеге секундына 23, урыны белән 25 метрга җитүен әйтә. Гадәттән тыш хәлләр министрлыгыннан игътибарлы булырга киңәш итәләр. Әлмәттә җил зыян салган көллияттә 930 студент укый.

Бу хәл уку процессына үзгәреш керткәнме, төзекләндерү эшләре кайчан тәмамланыр?