Быел "Татарча диктант" акциясе ничек узды?

13, 14, 15 октябрь көннәрендә бөтен дөньяда «Татарча диктант» акциясе башланып китте. Бу — милләттәшләребезне берләштерә торган вакыйга. Ул кешенең кайда яшәвенә карамастан, үзен — халкының бер өлеше итеп тою мөмкинлеге бирә.

Быел анда Россиянең 70тән артык төбәгендә һәм 30 чит илдә яшәүчеләр катнашыр дип планлаштыралар. Башка еллардан аермалы буларак, диктант өчен хәзерге заман язучыларының әсәрләреннән өзекләр сайлап алынган. Язучыларга Рүзәл Шәрипов та кушылды.