Равил хәзрәт Зөфәров: "Дәүләтебезнең чикләрен саклаган адәм баласының 1 сәгате 60 көн уразага тиң"

Татарстан Республикасы мөфтие урынбасары Равил хәзрәт Зөфәров «Все СВОи» марафонында дәүләтнең чиген саклап, бер сәгать шул хезмәттә булу 60 көн ураза тотуга тиң икәнен аңлатты.

«Ватанны сөю — иманнан», дигән хәдисебез бик тә хак, чөнки бу дөньябызга, ватаныбызга карата бәйле. Дәүләтебезнең чикләрен саклаган адәм баласының 1 сәгате 60 көн уразага тиң», — дип сөйләде хәзрәт.

«Ярдәмнәр төрле формада җыела, егетләребезгә озатыла. Бер теләк: асыл каһарманнарыбыз җиңү белән якыннары янына Ватаныбызга әйләнеп катса иде. Минем янга контракт төзегән егетләр дә килә. «Хәзрәт, ничек була икән? Савабын, әҗерен күрәмме икән?» — диләр. Егетләребезнең Аллаһ белән бәйләнеше өзелми. Ул анда якларга, сакларга, төзеклек кылырга дигән изге ният белән бара», — диде ул.


Исегезгә төшерәбез, бүген 10:00 сәгатьтән 22:00 сәгатькә кадәр Татарстанда контракт буенча хәрби хезмәткә ярдәм итү өчен масштаблы патриотик акция бара.