68 яшьлек ир-ат буада шәхси йортта янгында һәлак булган

Буада 68 яшьлек ир-ат шәхси йортта янгында һәлак булган. Бу хакта ТР Гадәттән тыш хәлләр министрлыгының матбугат хезмәтендә хәбәр иттеләр.

Янгын турында хәбәр кичә килеп ирешкән. Урынга килгән коткаручылар 64 квадрат метр мәйданда янгынны сүндергәннәр. Алар йорт хуҗасы гәүдәсен табалар. Ир-атка 68 яшь була.

Янгынның беренчел сәбәбе — тәмәке тартуда саксызлык. Ведомствоның матбугат хезмәтендә янгын куркынычсызлыгы кагыйдәләрен үтәүне искә төшерделәр.

Фото: МЧС РТ