Салават күпере микрорайонында 18 катлы йорттан 2 яшьлек бала егылып төшеп һәлак булу очрагы тикшерелә - видео

Узган җомгада килеп чыккан фаҗига буенча фикер алышу, аның сәбәпләрен ачыклау дәвам итә. Монда 18 катлы йорттан 2 яшлек бала егылып төшеп һәлак булды.

Халык та, тикшерүчеләр дә, ул — гомуми балконда — яңгыр, кар сулары агар өчен калдырылган тишектән төшкән булырга мөмкин дип шикләнә. Шулай була аламы? Нигә бу тишек бала сыярлык итеп проектланган?

Җинаять эшен Тикшерү комитеты саксызлык аркасында үлемгә китерү маддәсе буенча ачкан. Фәйрүзә Мәҗитова бу микрорайондагы йортлар һәм аларның проектлары белән танышты.