Менделеевскида һәлак булган хәрбиләр истәлегенә мемориаль такталар ачылды

Менделеевскта махсус операция зонасында һәлак булган хәрбиләр истәлегенә биш мемориаль такта ачылган. Бу хакта «Татар-информ» хәбәр итә.

Тантанада җитәкчеләр, мактаулы гражданнар, хәрбиләрнең якыннары һәм туганнары катнашты. Һәлак булганнар истәлегенә 12 миләш агачы утыртыла, алар дан аллеясының бер өлеше булачак.

Очрашуда төрле мәсьәләләр каралды, шул исәптән һәлак булганнар каберләренә һәйкәлләрнең бердәм стилен эшләү турында карар кабул ителде.

Фото: ТР Менделеевск районы матбугат хезмәте