Казанда срогы чыккан яки кирәкмәгән даруларны кабул итү пунктлары ачылган

Казанда «Куркынычсыз дарулар» проекты кысаларында киләчәктә дөрес утильләштерү өчен срогы чыккан һәм кирәкмәгән медикаментлар кабул итү пунктлары ачылды. Бу хакта шәһәр мэриясенең матбугат хезмәтендә хәбәр иттеләр.

Контейнерларны район хакимиятләре биналарында Шуртыгин урамында, 1 нче йортта һәм Ипподромная урамында, 14 нче йортта урнаштырдылар. Даруларны эш көннәрендә 9:00дән 18:00гә кадәр калдырырга мөмкин.

Фото: freepik.com