Батальон командиры Булат Бәдретдиновны Батырлык ордены белән бүләкләделәр

Россия Президенты Владимир Путин Татарстанның Апас районыннан батальон командиры Булат Бәдретдиновны Батырлык ордены белән бүләкләде. Бу хакта «Кайбыч таңнары» басмасы хәбәр итә.

Бәдретдинов танк училищесында белем ала, аннары 10 ел Екатеринбургта хезмәт итә. Өлешчә мобилизация вакытында ул инде бер ел УФСИН структурасында эшләгән.

Узган елның 14 октябрендә Бәдретдинов танк училищесы полигонына юл тота. Майор үзе солдатларны кыр күнекмәләренә өйрәтә башлый.

Фото: kaibicy.ru