Казан - Кукмара электричкасының йөрү вакыты үзгәрә

Ноябрьнең икенче яртысында Казан – Кукмара шәһәр яны поезды Арча – Корса аралыгында, инфраструктураны модернизацияләү сәбәпле, үз графигын үзгәртәчәк. Бу хакта Казан мэриясе матбугат хезмәте хәбәр итә.

17 ноябрьдән 30 ноябрьгә кадәр Казан – Кукмара юнәлешендәге 6240нчы электричка Коркачык станциясенә кадәр гамәлдәге расписание буенча барачак.

Әмма үзгәрешләр түбәндәге тукталышларга да кагылачак: Арча станциясендә тукталыш 15 минутка арттырылган, ә Кукмарага килү вакыты 22 минутка – 9:16 га күчерелгән.

Фото: ТНВ