Җырчы Ренат Ибраһимовның каберенә таш куйдылар

РСФСР һәм Татарстанның халык артисты Ренат Ибраһимов узган елның маенда - 74 яшендә арабыздан китте. Кичә аны искә алырга Мәскәүнең Волков мөселман зиратына туганнары һәм иҗатташ дуслары җыелды.

Биредә Ренат Ибраһимовның каберенә таш куйдылар. Аның ап-ак булуы - танылган җырчының тормыш зирәклеген һәм иҗади тирәнлеген билгели, ди авторлары. Тамашачы күңеленә үл үзенең бәрхет тавышы белән үтеп кергән.