Актаныш районында хәрбиләргә маскировка челтәрләре әзерлиләр

Татарстанның Актаныш районында яшәүче халык махсус хәрби операциядә катнашучы ир-атларга ярдәмгә килә. Зөбәер авылында маскировка челтәрләрен үрделәр дип хәбәр итә "Актаныш-информ".

"Безнең Зөбәер авылында нибары 120 чамасы кеше яши. Әмма халкыбыз аз булса да, бик бердәм, дус һәм тату. Бергәләп тотындык менә маскировка челтәре үрүгә дә. Һәм 20 кв. метр челтәребез әзер дә булды", дигән урындагы клуб мөдире Глүсә Габидинова.

Ярдәмгә килүчеләрнең туганнары, танышлары махсус хәрби операция территориясендә хезмәт итә. Авыл активистлары төркемнәргә бүленеп, маскировка челтәрләре үрә.

Фото: aktanysh-rt.ru