Татарстан халкы юллар һәм тротуарлар тиешенчә чистартылмауга зарлана

Бу атнадагы һава торышы Татарстан халкы һәм юл хезмәтләре өчен дә чын мәгънәсендә сынау булды.

Кар ике көн генә яуса да, юллар һәм тротуарлар тиешенчә чистартылмый дип, Казан, Яр Чаллы, Арча һәм башка шәһәрләрдән зарланалар. Ишегалларында - кар боткасы, юллардан йөрү кыен, бөкедә утырабыз, диләр. Кичә иртән башкалада транспорт бөкеләре иң югары күрсәткечкә якынлашты. Иртәнге тугызда да ул 7 балл иде әле. Кичә кич 10 баллга менде. Синоптиклар тынычландырырга ашыкмый.

Атна буе көрисе дә, көрисе һәм кар ерып йөрисе булачак. Ни өчен быел да кыш көтмәгәндә килде? Юллардагы хәлне көне буе Гөлназ Сәйфетдинова күзәтә.