74 яшьлек ир-ат Татарстанда янгында һәлак булган

Кичә, Агерҗедә, 74 яшьлек ир-ат Заводская урамындагы фатирда чыккан янгында һәлак булды. Бу хакта ТР Гадәттән тыш хәлләр министрлыгының матбугат хезмәтендә хәбәр иттеләр.

Коткаручылар кухняда ир-атның гәүдәсен тапканнар. Үлгән кешенең бер туганының улы сүзләренчә, янгын вакытында ир-ат йоклаган була.

Янгынның мәйданы дүрт квадрат метр тәшкил итә. Янгынның беренчел сәбәбе - электр җиһазларын төзү һәм эксплуатацияләү кагыйдәләрен бозу.

Фото: пресс-служба МЧС РТ