Татарстанда торак-коммуналь хуҗалык хезмәтләре өчен тарифлар кайчан үзгәрәчәк?

Татарстанда торак-коммуналь хуҗалык хезмәтләре өчен тарифлар киләсе елның июленә кадәр үзгәрмәячәк. Бу хакта кичә Республиканың тарифлар буенча дәүләт комитеты җитәкчелеге хәбәр итте.

Киләсе елның җәендә бөтен илдә планлы рәвештә индексация узачак. Тарифларны-һәр төбәкнең социаль-икътисади үсеш күрсәткечләре буенча исәплиләр. Аңа Республикадагы уртача хезмәт хакының артуы да йогынты ясаячак.

Исегезгә төшерәбез, тарифлар 2022нче елның декабреннән бирле үзгәрмәде. Теманы Рүзәл Шәрипов дәвам итә.