Казанда җәмәгать транспортында йөрү кыйммәтләнергә мөмкин

Казанның җәмәгать транспортында йөрү бәясен 42 сумга кадәр арттырырга мөмкиннәр. "Безнал" белән түләгә очракта бәя 35 сум булачак. Бу хакта Министрлар Кабинетында узган брифингта Татарстан Тарифлар буенча Дәүләт комитеты башлыгы Александр Груничев хәбәр итте.

Спикер сүзләренчә, югарыда күрсәтелгән бәяләр тулысынча расланмаган. Ведомство юл йөрү бәясен арттыру турындагы документ проектын 8 декабрьдә карарга планлаштыра.

Фото: ТНВ