Арктик суыклар: Иртәгә Татарстанда -35 градус көтелә

8 декабрьдә Татарстан җирлегендә арктик циклон хаким итәчәк. Сизелерлек явым-төшемнәр көтелми. Җил тизлеге 4-9 м/с җитәчәк.

Татарстанның гидрометеорология идарәсе синоптиклары алдагы төндә республикада һава температурасы -25..-30 градуска кадәр төшәчәк, дип фаразлый. Түбән урыннарда температура -35 градуска кадәр җитәргә мөмкин. Көндез һаваның максималь температурасы -21..-26 градус тәшкил итәчәк.

Казанда төнлә -25..-27 градуска кадәр салкын булачак. Көндез Республика башкаласында һава -22..-24 градуска кадәр җылыначак.

Фото: polinka.top