Бу көннәрдә Татарстанда өшеп табибларга мөрәҗәгать итүчеләр арткан - видео

Бу көннәрдә Татарстанда өшеп - табибларга мөрәҗәгать итүчеләр арткан. Бер атна элек Казанда хастаханәләргә ярдәм сорап 1 кеше килгән булса, хәзер аларның саны 18. 

Республикада зәмһәрир салкыннар тора. Төнлә һава температурасы -25кә кадәр төшә, көнчыгыш районнарда -30 градус салкын була. Бүген көндез уртача -17 иде, тик көчле җил сәбәпле, ул котып салкыны кебек тоелды. 

Мондый көннәрдә кул-аяк, бит, борын өшү куркынычы тагын да арта, ди белгечләр. Ничек сакланырга кирәклеге турында Илдар Сафиуллин сөйләр.