Соңгы көннәрдәге зәмһәрир салкыннарда республикада янгыннар арткан

Соңгы көннәрдәге зәмһәрир салкыннарда республикада янгыннар бермә-бер арткан. Атна дәвамында 66 очрак теркәлгән.

Һәр икенчесе диярлек - электр җиһазларын һәм мичләрен дөрес кулланмау сәбәпле килеп чыга. Әйтик, узган ялларда Актаныш районындагы Тыңламас авылында яшәүче гаилә йорт верандасында җылыту җайланмасы калдырган. Аннан ут чыгып, хуҗа һәлак була.

Шушындый фаҗигаләр Биектау һәм Кукмара районнарында да килеп чыкты. Яңа ел бәйрәме алдыннан коткаручылар тагын бер кат иминлек кагыйдәләрен искә төшерде. Чулпан Касыймова репортажын карыйк.