Татарстанның 250 яшь эшмәкәре үз продукциясен республика мәктәп ярминкәсендә тәкъдим итте

Татарстанның 250 яшь эшмәкәре үз продукциясен республика мәктәп ярминкәсендә тәкъдим итте. 

Монда бизәнү әйберләре, чыршы уенчыклары, тәм-томнар кулдан эшләнгән. Этләр белән йөреп кайту, хайваннар өчен чәчтарашханә хезмәтләреннән дә файдаланып була. 

Сатудан кергән акчаның бер өлеше "Игелекле Казан" фонды карамагандагы 11 яшьлек Артур Ермаковны дәвалауга җибәреләчәк. Чара "Кече һәм урта эшкуарлык" проекты кысаларында тормышка ашырыла.