Яшел Үзәндә йортсыз калган күп балалы Мәрдановлар Яңа елны яңа өйдә каршы алачак

Яшел Үзәндә янгыннан соң йортсыз калган күп балалы Мәрдановлар Яңа елны яңа өйдә каршы алачак. Июньдә гаиләнең бар мөлкәте көлгә әйләнгән иде.

Битараф булмаган татарстанлылар һәм эшмәкәрләр ярдәмендә ярты ел эчендә монда яңа йорт торгызыла. Элеккегесеннән дә зуррак. Кемдер — акчалата, кемдер — төзелеш материаллары белән булыша.