Яңа ел бәйрәмнәрендә ничә көн ял итәчәкбез?

ТР Хезмәт, халыкны эш белән тәэмин итү һәм социаль яклау министрлыгының матбугат хезмәтендә Яңа ел каникуллары ничә көн дәвам итәчәген искә төшерделәр.

Шулай итеп, Яңа ел каникуллары 2024 елның 1 гыйнварыннан 8 гыйнварына кадәр дәвам итәчәк. Ял көннәре — 2023 елның 30 декабрь шимбәсен һәм 31 декабрь якшәмбесен исәпкә алсак, тулаем алганда татарстанлылар 10 көн ял итәчәк.

Исегезгә төшерәбез, биш көнлек эш атнасы графигы белән эшләүче татарстанлыларны 2024 елда 121 ял көне һәм 245 эш көне көтә.

Фотолар: badfon.ru