Татарстанда күп балалы гаиләләр саны 50 200гә кадәр арткан

Соңгы 10 ел эчендә Татарстанда күп балалы гаиләләр саны 24 400 дән 50 200 гә кадәр арткан. Бу хакта ТР Хезмәт министрлыгы башлыгы Эльмира Зарипова ведомствоның йомгаклау коллегиясендә хәбәр итте.

Министр сөйләвенчә, үсеш республикада балалы гаиләләргә күп санлы социаль ярдәм чаралары: алты федераль һәм 55 республика чаралары бирелү белән бәйле.

Исегезгә төшерәбез, 2021 елда ТР Рәис Рөстәм Миңнеханов «Родительская доблесть — Ата-ана фидакарьлеге» дигән яңа республика бүләген булдырырга карар итте.

Фото: freepik.com