Казанда соңгы биш ел эчендә моның кадәр күп карның яуганы булмаган

Татарстан башкаласын соңгы биш елда яуган иң көчле кар каплады. ТР Гидрометүзәге мәгълүматлары буенча, тәүлек эчендә 18 мм явым-төшем соңгы тапкыр 2018 елның декабрендә яуган.

Иртәгәгә кадәр Казанда 23 мм явым-төшем көтелә, бу кар катламының якынча 23 см биеклегенә тиң (карның җепшек булуын исәпкә алып).

Шәһәр мэриясе киләсе төндә юлларга 600дән артык техника чыгачагына ышандырды.