23 гыйнварда Татарстанда -28 градуска кадәр суытачак

23 гыйнварда Татарстан җирлегендә тагын да суытачак. Сизелерлек явым-төшемнәр көтелми. Кайбер урыннарда томан. Җил тизлеге 13 м/с җитәчәк.

Татарстанның гидрометеорология идарәсе синоптиклары алдагы төндә республикада һава температурасы -19..-24 градуска кадәр төшәчәк, дип фаразлый. Аяз күктә температура -28 градуска җитәргә дә мөмкин. Көндез температура -11..-13 градус аралыгында торачак.

Казанда төнлә -19..-21 градус аязган вакытта - 24 градуска җитәчәк, көндез -11..-13 градус көтелә. Юлларда кар көртләре, карап кына йөрегез.

Фото: priroda.club