Республикада тузган инженер челтәрләре мәсьәләсен тулысынча хәл итү өчен 300 млрд сум акча кирәк

Республикада тузган инженер челтәрләре мәсьәләсен тулысынча хәл итү өчен 300 млрд сум акча кирәк. Кичә бу хакта төзелеш, архитектура һәм торак-коммуналь хуҗалык министрлыгының еллык коллегиясендә Рөстәм Миңнеханов белдерде.

Республика Рәисе бу проблемаларны тулаем хәл итәргә кирәк ди. Халык контроле порталында зарланучылар кимеми. Бердән, халык таләпчәнрәк, аңа өстәп - искергән торбаларны һава торышы да сыный. Утырышта федераль министр Ирек Фәйзуллин, Республиканың дәүләт киңәшчесе Минтимер Шәймиев катнашты. Тармак алдында торган бурычлар хакында Гөлназ Сәйфетдинова.