Татарстандагы көчле буран кабатланырмы?

КФУ профессоры Юрий Переведенцев «Челнинские известия» порталы мөхәррире белән әңгәмәдә хәбәр иткәнчә, Татарстан территориясендә әлегә ишеп яуган явым-төшемнәр көтелми.

Галим сүзләренчә, республикага Атлантикадан чираттагы циклон килгән, ул элеккегедән күпкә көчсезрәк, һәм ул күп күләмдә явым-төшем китермәячәк, әмма температура нормадан бер-ике градуска югарырак булачак.

Шул ук вакытта Татарстанның Гидрометеорология һәм әйләнә-тирә мохит мониторингы идарәсендә ведомство тарафыннан бастырылган фаразларга гына таянырга чакыралар.

Фото: ru.freepik.com