КФУ профессоры: Гыйнварда бураннар булачак әле

КФУ профессоры Юрий Переведенцев «Татар-информ» мәгълүмат агентлыгы порталы мөхәррире белән әңгәмәдә гыйнварда кар явачак, шуңа күрә елның беренче аенда Казанга икеләтә кар нормасы төшү ихтималы бар, дип белдерде.

Галимнәр әйтүенчә, ике гыйнвар көнендә Казанда кар яву рекордлары куелган. Явым-төшем саны буенча беренче рекорд 19 гыйнварда куела, ул вакытта 19,8 мм явым-төшем ява.

Икенче иң күп кар яуган көн 20 гыйнварда билгеләнә, ул вакытта кар катламы 16 мм җитә.