Татарстанда вахта автобусы һәм йөк машинасы белән юл һәлакәтендә 10 кеше зыян күргән

Бүген иртән Казан-Ульяновск трассасында Югары Ослан районында вахта ташучы "ПАЗ" автобусы юл чигендә торган йөк машинасына килеп бәрелә. Юл һәлакәте нәтиҗәсендә 10 кеше җәрәхәтләнә.

Тикшерүчеләр куркынычсызлык таләпләренә җавап бирми торган хезмәтләр күрсәтү һәм юл хәрәкәте кагыйдәләрен бозу факты буенча җинаять эше кузгаткан.



Фото: ГИБДД РТ