Йорт түбәсеннән машинага кар ишелеп төшкәч, прокуратура тикшерү башлаган

Татарстанда һава торышы үзгәрде. Температура нульгә кадәр күтәрелә. Кояш язгыча карый башлады. Бу кәефне күтәреп кенә калмый, кызганыч, гадәттән тыш хәлләр дә китереп чыгара.

Шәһәрдәге кайбер йорт түбәләре көчле бураннардан соң һаман да чистартылмаган. Алардан кар ишелеп төшеп Россиянең берничә төбәгендә - Тверь, Киров һәм Яросоавль өлкәләрендә кешеләрнең сәламәтлегенә зыян килде.

Казанда да мондый күңелсез хәл була. Кулагин урамында бер машинаны кар басып китә. Шоферын хастаханәгә илткәннәр. Покуратура тикшерү башлаган. Шул ук вакытта, бу йорт түбәсе һаман да кардан чистартылмаган. Кем гаепле? Тулырак ТНВ репортажында.