Республиканың матбугат һәм массакүләм коммуникацияләр агентлыгының еллык коллегиясе узды

2023 ел - Татарстан матбугаты өчен җитди ел булды. Бу хакта Республиканың матбугат һәм массакүләм коммуникацияләр агентлыгының еллык коллегиясендә җиткерделәр.

Анда Татарстан Рәисе Хакимияте җитәкчесе Әсгать Сәфәров, Россиянең журналистлар берлеге рәисе Владимир Соловьев катнашты. Чыгыш ясаучылар әйтүенчә, хәзерге вакытта Россиягә карата чын мәгънәсендә мәгълүмати һөҗүм бара.

Ялган хәбәрләр, илдәге тотрыклылыкны какшатырдай мәгълүмат таратыла. Журналистларның максаты - аларга каршы торып, дөрес мәгълүмат биреп, халык ышынычын тоеп эшләү.