Бер ел эчендә Татарстанда таксида йөрү бәясе 22%ка арткан

Татарстанда бер елда таксида йөрү бәясе бер километрга 31,7 сумга җитеп, 22 процентка арткан. Бу хакта «Татар-информ» мәгълүмат агентлыгы Росстат мәгълүматларына таянып хәбәр итә.

Мондый югары бәяләрнең әле тарихта булганы юк иде, ди белгечләр. Бәяләр артуны «такси турында закон» белән бәйлиләр. Ул 2023 елның 1 сентябреннән гамәлгә кертелде. Яңа кертелгән таләпләрдән соң күп кенә машина йөртүчеләр эшеннән киткәннәр.

Моннан берничә ай элек ТНВ бәяләр арту турында репортаж әзерләгән иде инде.