КФУ доценты: киләсе тәүлектә Казанда февраль өчен явым-төшем нормасының дүрттән бер өлеше көтелә

КФУ доценты Тимур Әүһәдиев якындагы тәүлектә Татарстан башкаласында 10 мм яки февраль нормасының чирек явым-төшем булырга мөмкин, дип белдерде.

Галим шулай ук кызыклы күзәтүләре белән уртаклашты. Аның сүзләренчә, соңгы 129 елда 5 февральдә минималь температура дәрәҗәсе минус 35,1 градуска, максималь (соңгы 124 ел) плюс 3 градуска җиткән.

Иң күп явым-төшем 29 мм Казан халкы 2018 елда күзәтә алган. Бер ел элек һава температурасы -9 градус булган.

Фото: priroda.club