Батырлык үрнәге: 5 каттан ыргыткан ике яшьлек баланы коткарган Альберт Бикмуллин

Батыр булып тумыйлар, батырлыкны кылалар. Без узган атнаның чын герое дип, Казанда ике баланы үлемнән коткарып калган - Альберт Бикмуллинны атыйбыз! Шулай туры килде, бу кыйссаның герое да, антигерое да бар. Һәм аларны язмыш Казанның Юдино бистәсендәге йортта очраштыра.

Икесе дә урта яшләрдәге ирләр, икесе дә күп балалы әти. Шуларның берсе - үз баласын 5нче каттан ташлый, икенчесе - коткарып кала. Хәтта ике баланы!