Казанда киләчәк уеннары башланырга бер атна вакыт калды! Әзерлек ни хәлдә?

Казанда киләчәк уеннары башланырга бер атна вакыт калды. Зур спорт турнирында 107 илдән 2 меңгә якын катнашучы осталыгын күрсәтәчәк. Ярышның үзенчәлеге шунда - анда гадәти спорт турнирында гына түгел, виртуаль төрдә дә җиңүчеләрне ачыклаячаклар.

Төп мәйдан Казан Экспога билгеләнгән. Биредә фиджитал - футбол, баскетбол, скейтбордингта ярышлар үтә. Ачылыш һәм ябылыш тантаналары да шунда уза. Бу көннәрдә Казан - экспода әзерлек эшләре бара. Спорт мәйданчыклары, сәхнә, күргәзмә урыннарын ясыйлар. Барын да Илдар Сафиуллин күреп кайтты.