Минзәлә районы Хуҗамәт авылында хәрбиләр өчен окоп шәмнәре ясыйлар

Татарстанның Минзәлә районы Хуҗамәт авылында хәрбиләр өчен окоп шәмнәре ясыйлар. Шәмнәр белән кулларны җылытырга, әйберләрне киптерергә һәм кыр шартларында су кайнатырга мөмкин, дип яза "Минзәлә-информ".

Иң башта авыл кешеләреннән, якын-тирәдәге кафелардан файдаланылган консерв банкалары җыела. Җыелган калай банкаларны клуб бинасында авылның өлкән ир-егетләре тиешле таләпләргә туры китерә: калай капкачларын кисеп ала, кырыйларын шомарта. Соңыннан исә эшкә хатын-кызлар керешә.

Хуҗәмәт авылы халкы гуманитар ярдәм — медикаментлар, кием-салым, азык-төлек һәм башка шундый солдатлар өчен мөһим булган әйберләр җыюда актив катнаша.

Фото: menzela.ru