Махсус хәрби операциядә катнашкан, Батырлык орденына ия булган Гадел Уркунбаев өйле булды

Махсус хәрби операциядә катнашкан, Батырлык орденына ия булган Гадел Уркунбаевка өй салып биргәннәр. Лаеш районы Яңа Сокуры бистәсендә урнашкан йортны эшмәкәрләр төзи. Әле күптән түгел 22 яшен тутырган егет өчен бу, чын мәгънәсендә, туган көненә бүләк булды. Махсус хәрби операциядә катнашкан тагын бер ир-ат, 41 яшьлек Дмитрий Ивановка җир кишәрлеге бүләк иттеләр.

Ике бала әтисе, узган җәй яраланып, аяксыз калган. Хәзер ике хәрби дә илнең төрле госпитальләрендә тернәкләнү курслары уза. Кабат гади тормышка яраклашучы батырлар һәм аларга ярдәм итүче олы йөрәкле шәхесләр турында Алия Хәйретдинова репортажы.