Битараф булмаган хатын-кызлар кирәк-ярак белән махсус хәрби операция зонасын тәэмин итә

Мамадышның битараф булмаган хатын-кызлары кирәк-ярак белән СВОдагы ике полкны тәэмин итә.

Һәр көчле ир-ат янәшәсендә көчле хатын-кыз тора, диләр. Без моңа соңгы 2 елда инандык. СВО башлангач, Республикада гуманитар ярдәм хәрәкәте оешты. Бүген ул хатыннар, әниләр көче белән алып барыла.

Өйдәгечә булсын дип, токмач кисәләр, каз маеннан яраларны төзәтә торган мазь ясыйлар. Алар Донбасс госпиталендә эшләүче волонтёрлар белән элемтәдә тора. Ни өчен дип сорыйсы юк? СВО зонасында якыннары хезмәт итә.