Татарстанда 16 яшьлек кыз өстенә мәктәп түбәсеннән кар төшә

Татарстанның Чүпрәле районында Түбән Чәке урта мәктәбе җирлегендә бина түбәсеннән
кар төшкән. Бу хакта ТР Прокуратурасының матбугат хезмәтендә хәбәр иттеләр.

Нәтиҗәдә, 16 яшьлек кыз кар астында калган. Аны авыр җәрәхәтләр белән хастаханәгә салалар. Янәшәдә булган тагын ике бала зыян күрмәгән.

Күзәтчелек ведомствосы тикшерү оештыра. Һәлакәтнең сәбәпләре һәм шартлары ачыклана. Җинаять эше кузгату мәсьәләсе хәл ителә.

Фото: t.me/prokrt