Республикада 5 меңнән артык кеше үзенең тормыш хәлен яхшырткан - видео

2023нче елда Республикада 5 меңнән артык кеше дәүләт белән социаль килешү төзегән һәм үзенең тормыш хәлен яхшырткан. Документка кул куйгач, кеше я үзмәшгуль, я эшмәкәр булып теркәлә һәм акча ала.

Матди ярдәмне үз эшен башлар өчен тоталар. Кемдер торт пешерә, кемдер машина төзәтә, чәч кисә... Дәүләт ярдәме алыр өчен, керемең яшәү минимумыннан ким булырга тиеш. Кайчандыр катлаулы хәлдә калып, бүген киләчәккә өмет белән караучылар турында - алдагы репортажыбыз.