ТНВ студиясендә Lada Vesta машинасының өченче иясе билгеле булды

Өченче Lada Vesta машинасын Митрофановлар гаиләсе отты. Исегезгә төшерегез, Татарстанда сайлауда катнашкан гаиләләр арасында өч машина уйнатылды.

Җиңүчене ТНВ каналында узачак телемарафонда билгеләделәр. Бүген "Гаилә белән сайлыйбыз" телемарафонында автомобиль откан Актаныш районыннан Гардисламовлар һәм Лаештан Хөснетдиновлар гаиләсенә ачкычлар бирделәр.

Сайлау участоклары 15-17 март көннәрендә 8:00 дән 20:00 гә кадәр эшләде.

Кандидатлар: «Новые люди» партиясеннән Владислав Даванков, КПРФ партиясеннән Николай Харитонов, ЛДПР партиясеннән Леонид Слуцкий һәм үз-үзен тәкъдим итүче Владимир Путин.