Нурлат районында яшәүче 99 яшьлек Бөек Ватан сугышы ветераны Каим Сәмигуллин сайлауга үзе килде

Аның хыялы - алдагы сайлауларда да тавыш бирүдә катнашу. Нурлат районы Чулпан авылында яшәүче 99 яшьлек Бөек Ватан сугышы ветераны Каим Сәмигуллин гражданлык позициясен белдерергә үзе килде.

Ул - авылның иң өлкән кешесе. Бердәнбер Бөек Ватан сугышы ветераны. Тавыш биргәннән соң аңа бүләк тапшырдылар. Каим Сәмигуллин үзенең беренче сайлаулары турында истәлекләре белән уртаклашты.