Татарстанда аварийларда һәлак булучылар саны арта

Быел Татарстан юлларында 64 кеше һәлак булган, 700гә якын кеше зыян күргән. Үлүчеләр саны былтыргыдан 16га күбрәк. Нигездә каршы як юлда бәрелешәләр, җәяүлеләрне бәрдерәләр, я юлда туктап торган автомобильгә килеп керәләр.

Кичә Дәүләт автоинспекциясе башлыгы Рөстәм Гарипов Татарстан халкына мөрәҗәгать итте. Ул, беренчедән, юлда хаталар ясамаска өнди! Икенчедән: кайда яңа юл билгесе куярга кирәк, кайсы участокта алдагы автомобильләрне узмау хәерле - болар хакында ЮХИДИ идарәсенә хәбәр итеп, бергә эшләргә чакырды. Рания Абдрахманова тулырак.