Рөстәм Миңнеханов БПЛА төшкән Алабуга һәм Түбән Камада булды

Бүген Татарстан Республикасы Рәисе Рөстәм Миңнеханов Алабугада булды. Биредә ул зыян күргән биналарны карады, шулай ук төзүчеләр белән сөйләште һәм кыска вакыт эчендә торак биналарны торгызуны йөкләде.

Татарстан лидеры шулай ук «Алабуга Политех» студентлары белән очрашты. Әңгәмәдә ул укучыларга сабырлык һәм ватанпәрварлык өчен рәхмәт белдерде.

Шулай ук Рөстәм Миңнеханов Түбән Кама сәнәгать кластерында булды һәм предприятиеләр җитәкчеләре белән киңәшмә үткәрде, дип хәбәр итә Татарстан Республикасы матбугат хезмәте.

Фото: пресс-служба Раиса РТ