Татарстанда ике ай дәвамында тирә-юньне тәртипкә китерәчәкләр

Татарстанда ике ай дәвамында тирә-юньне тәртипкә китерәчәкләр. Май ахырына кадәр республика халкы, экологлар, волонтёрлар һәм предприятияләр өмәләргә чыгачак.

Законсыз чүп-чар өемнәрен юк итү, агачлар утырту, сулыкларның яр буйларын чистарту каралган. Кайбер районнарда бу эшкә инде керешкәннәр.

Узган ел 8 меңнән артык хокук бозу очрагы теркәлгән. Күбесе законсыз чүплекләр белән бәйле. Халык һава сыйфатыннан да еш зарлана. Бүгеннән аның үрнәкләрен тикшерү нәтиҗәләре белән һәркем таныша ала. Тулырак Алия Сабирова.