Татарстанда +25 градуслы җылы көтелә

Бу атнада Татарстанга 25 градуслы җылылар киләчәк. Температура рекордлары да көтелә. Бу хакта ТР Гидрометүзәге белгечләре хәбәр итә.

Синоптиклар фаразлавынча, чәршәмбе, 17 апрельдә республикада һава +16..+21 градуска кадәр җылыначак, яшенле яңгырлар булырга мөмкин. Пәнҗешәмбе, 18 апрельдә термометр баганалары +18..+23 градус билгеләренә күтәреләчәк.

19 апрельдә, җомга, явым-төшем көтелми. 20 апрельдә, шимбә, аз күләмдә яңгыр явып узачак. Бу көннәрдә һава температурасы +20..+25 градуска кадәр күтәреләчәк.

Фото: ru.freepik.com