Милли музейның алтын фондында сакланган әләмне татарстанлыларга тәкъдим иттеләр

9 май алдыннан була торган иң күркәм вакыйгаларның берсе - Җиңү байрагын алып чыгу. Кичә Милли музейның алтын фондында сакланган әләмне татарстанлыларга тәкъдим иттеләр. Ул сугыш елларында 280нче артиллерия полкының 146нчы укчылар дивизиясе карамагында була.

Әлеге төркем ТАССРда оешкан. Солдатлар аның белән Берлинга барып җиткән. Бүген Казанда батырларны Җиңү паркы һәм медицина университетында да искә алдылар. Тулырак - Рүзәл Шәрипов.