Чистай районында яздан бирле чүп-чар полигоны яна

Чистай районында 31 майдан бирле чүп-чар полигоны яна. Ялкынлы ут булмаса да, пыскып утырган урыннар күп. Монда тәүлек дәвамында 6 йөк машинасы һәм 2 бульдозер эшли. Тик төтен чыгуны туктата алмыйлар. 

Ул Чистай шәһәренә таба тарала. Кичке якта ул шулкадәр куе була ки, урамның икенче очындагы йортлар күренми башлаган. Халык тәрәзәләрне ача алмый. Ут полигонда шимбәгә каршы төндә чыга. 3 мең квадрат метр мәйданны 4 сәгать буе сүндерәләр. Сәбәбе нидә? Моны ачыклар өчен Рания Абдрахманова шәһәргә барып кайтты.