Иртәгә Татарстанда +32 градус эссе көтелә

Иртәгә, 11 июньдә, Татарстанда сизелерлек явым-төшемнәр көтелми, әмма эссе көчәячәк кенә. Җил тизлеге 14 м/с тизлеккә җитәчәк.

Татарстанның гидрометеорология идарәсе синоптиклары алдагы төндә республикада һава температурасы +12..+17 градуска җитәчәк дип саный. Көндез +29..+32 градуска кадәр җылытачак.

Казанда төнлә температура +15..+17 градуска җитәчәк. Көндез +29..+32 градус көтелә.

Фото: aze.az