Татарстанда яуган яңгырлар галәмәте! Республикага нинди зыян килгән?

Бу көннәрдә Казан чын мәгънәсендә йөзде. Көчле яңгыр вакытында урамнарны су басты.

Башкала үзәгендә кайбер урыннарда аның биеклеге ярты метрга җиткән. Күпфатирлы йортка яшен суккан. Питрәч районының Кощак бистәсендә шәхси йортка ут капкан. Көчле яңгыр яву сәбәпле самолетлар Казан аэропортына төшә алмыйча, башкала күгендә очып йөргәннәр һәм запас аэродромга киткәннәр. Казандагы болытларны халык: өермә - смерчка охшаткан. Бүгенге һәм кичә төнлә булган һава торышы галәмәтләре Гөлназ Сәйфетдинова күзәтүендә.