Казаның Аккош күле һәм Дәрвишләр бистәсендәге каенлыкта Сабан туе күренешләре

Казаның Аккош күле һәм Дәрвишләр бистәсендәге каенлыкта татар халкының милли бәйрәме Сабан туе гөрләде. Көрәш, концерт һәм моңарчы күрелмәгән уеннар.

Балалар күлдә көймәләрдә ярышты, районннар оештырган ишегалларында кунакларны сыер саварга өйрәттеләр, каен себеркесе бәйләделәр. Халык төп мәйданнан тыш дистәләгән мәйданчыкта күңел ачты.

"Болгар радиосы" оештырган тамашада иң популяр артистларның чыгышларын карап хозурландылар, мичтә пешкән коймак белән сыйландылар.